Монгол Улсын нийслэл Улаанбаатарын төв талбайд “FIFA 3х3 U18 World Cup 2019” ДАШТ өчигдөр эхэллээ.
18 хүртэлх насны ДАШТ-д таван тивийн эрэгтэй 20, эмэгтэй 20, нийт 40 баг өрсөлдөх бөгөөд тэмцээний ялагчид энэ сарын 7-нд тодорно. Энэ удаагийн тэмцээн Монгол Улсад анх удаа багийн төрлөөр ДАШТ болж байгаа гэдгээрээ онцлог болж байна. Америк, Латви, Гүрж, Беларусын шигшээ багтай “С” хэсэгт багтсан Монгол Улсын эрэгтэй баг өчигдөр хоёр тоглолт хийсэн. Манай эмэгтэйчүүд Франц, Голланд, Филиппин, Чехийн шигшээ багуудтай мөн “С” хэсэгт багтсан.
Монголын эрэгтэй, эмэгтэй багууд өнөөдөр хоёр тоглолт хийх бөгөөд 18:00, 20:00 цагуудаас болно. Сагсан бөмбөгийн 3х3 төрөл 2011 оноос албан ёсоор FIBA буюу Олон улсын сагсан бөмбөгийн холбооны үйл ажиллагаанд орсон юм. Харин 2017 оноос олимпын төрөлд багтсан бөгөөд “Токио 2020” олимпын наадмын эрхийн төлөөх тоглолтууд энэ оноос эхэлсэн.
ХУВААРЬ: /“FIBA 3х3 U18 World Cup 2019” /
Эрэгтэй баг:
6.4
• 18.30 цаг – Монгол –Латви
• 20.10 цаг – Монгол Беларусь
6.6
• 18.30 цаг – Монгол – Гүрж
• 20.10 цаг – Монгол – Америк
Эмэгтэй баг:
6.5
• 20.20 цаг – Монгол –Чех
• 19.00 цаг – Монгол –Голланд