Токиод ирэх зун болох зуны олимпын наадам шинэ төрлийн коронавирусийн халдвар тархаж байгаагаас болоод үзэгчгүй болж мэднэ гэж “Daily Mail” хэвлэлд бичжээ. Эх сурвалжийн хэлснээр бол ийм тохиолдолд зөвхөн телевизээр шууд дамжуулан үзүүлж магадгүй гэнэ. Үүний тулд орон орны хэдэн мянган телевизтэй гэрээ хийх хэрэг гарах нь мэдээж. Өөр нэг хувилбар нь олимпын наадмыг өөрчлөх юм уу, болиулах явдал гэж байна. Мэдээж 12 тэрбум ам.доллар зарцуулан бэлтгэсэн болохоор өөрчлөхийг хүсэхгүй байна. Олон улсын олимпын хорооны тэргүүн Томас Бах ч Токиогийн энэ байр суурийг дэмжиж байгаа. Тэрбээр ямар ч байсан ОУОХ, Олимпын тоглолтыг товлосон хугацаандаа долдугаар сарын 24-нөөс наймдугаар сарын 9-ний өдрүүдэд зохион байгуулах бодолтой байгаа гэсэн байна.

эх сурвалж :"Ардчилал таймс" сонин