“Рио-2016” олимпын наадмын хүрэл медальт, ДАШТ-ий алт, мөнгөн медальт Шведийн Женни Франссон сэргээшийн төрлийн эм бэлдмэл хэрэглэсний улмаас дөрвөн жил барилдах эрхээ хамуулсан байна. Гадаадын зарим сайтад түүнийг өнгөрсөн оны ДАШТ-д допинг хэрэглэсэн гэж ташаа мэдээлжээ. Шведийн эмэгтэй шигшээ багийн ахлагч бүсгүй энэ оны хоёрдугаар сард допингийн гэнэтийн шалгалтаар стероид метрилтестостерон хориотой бодис хэрэглэсэн нь тогтоогдсон байна. Үүнээс үүдэж 32 настай түүнийг Шведийн олимпын хороо (SOC)-ноос шигшээ багаас багаас бүрмөсөн хасчээ. Харин барилдах эрхийг нь 2020 оны нэгдүгээр сарын 28-наас 2024 оны нэгдүгээр сарын 27-ныг хүртэл хассан байна. Женни Франссон өнгөрсөн жилийн Нур-Султаны дэлхийн аваргад хагас шигшээд манай бөх, олимпын хүрэл медальт, дэлхийн хошой аварга, Хөдөлмөрийн баатар, гавьяат тамирчин  С.Батцэцэгийг ялж, финалд шалгарсан. 

ЭХ СУРВАЛЖ: "АРДЧИЛАЛ ТАЙМС" СОНИН