Өнөөдөр БНХАУ тойрог замд станцтай болох анхны алхмаа амжилттай хийлээ. "Тяньхэ" хэмээн нэрлэсэн модулийг Венчан дахь сансрын буудлаас "Long March-5B" пуужингаар хөөргөсөн байна.

"Тяньхэ" буюу тэнгэр огторгуйн зохицол гэсэн утгатай станц бөгөөд тус станцыг 2021-2022 онд 11 удаагийн хөөргөлтөөр бүх хэсгүүдийг зөөж, угсарч дуусгахаар төлөвлөсөн бөгөөд уг станц нь T хэлбэртэй байх ба дунд хэсэгт нь "Тяньхэ" үндсэн модуль, хоёр талд нь лабораторийн хоёр модулийг угсрах аж. 

Одоогоор уг төхөөрөмжийг дэлхийн гадаргаас 400-450 км-ийн өндөрт барихаар төлөвлөж байгаа бөгөөд 15 жил оршин тогтнох төлөвлөжээ.

Хятадын сансрын станцын үндсэн модуль нь 16.6 метр урт, 4.2 метр диаметртэй, одоогоор тус улсад бүтээсэн хамгийн том сансрын аппарат юм. Уг станцыг бүрэн угсарсны дараа станцын нийт жин 66 тонн байх бол лабораторын модулиудтай хамт станцын нийт эзлэхүүн 110 шоо метр байх аж.

Энэ оны зургаадугаар сард эхний сансрын нисгэгчид "Тяньхэ" станцад дэлхийгээс нисэж очихоор төлөвлөжээ.

Хятад улс АНУ, ОХУ-ын араас дагаж дэлхийн өсч буй цар хүрээ, өсөн нэмэгдэж буй технологийн хүч чадлаа бататгахыг эрмэлзэж байгаагаа илэрхийлж тус ажилд хэдэн тэрбум доллар зарцуулсан байна.

Эх сурвалж: TheGuardians.com