Цагдан хорих 461 дүгээр ангид халдаж, Д.Монголхүүг хүч хэрэглэн хүн оргуулсан гэх хэргээр буруутгад байгаа "NoDoubleStandart" хөдөлгөөний зохицуулагч  Э.Одбаяр, Г.Ган-Очир, Ц.Чинбат, Б.Билгүүн, Л.Ганхөлөг, Б.Бямбагэрэл нарын зургаан хүнд холбогдох шүүх хурал өчигдөр Баянгол дүүргийн Эрүүгийн хэргийн анхан шатны шүүхэд болж, өнөдөрлөө. 

Хуулийн өмнө хүн бүр эрх тэгш байх ёстой. Төрд зүтгэж байгаа давхар дээлтнүүд дан дээлтэй болж өөрсдийнхөө төлөө биш харин иргэдийн төлөө ажиллах хэрэгтэй хэмээн өөрсдийн байр суурийг илэрхийлж байсан тэднийг гурав хүртлэх жилээр хорих ялтай эрүүгийн хуулийн зүйл ангиар шүүж байгаа юм.

Шүүгдэгч Э.Одбаярын хувьд тухайн асуудалд дараах тайлбарыг өгсөн юм. Тэрээр "хуулийн өмнө бүгд тэгш эрхтэй байх ёстой. Бид хэдий хэрэгт яллагдагчаар татагдаж байгаа ч өөрсдийнхөө гэм буруугүйг нотлох баримтыг тэгш эрхтэйгээр хангуулах хуулийн заалттай. Хэрэв биднийг яллах гэж байгаа бол талуудын байр суурийг тэнцвэртэй байлгах хэрэгтэй. Хэргийн гол нотлох баритуудын нэг болох нэг ширхэг CD алга болсон. Тухайн CD-нд Д.Монголхүүг хэн хорих ангиас авч явсан бэ, түүнийг өргөж авч гарсан юм уу, үгүй юу гэдгийг тодорхой харуулсан байсан юм. Гэтэл алга болсон" хэмээсэн юм.