Өмнөд Солонгосын Инчоны олон улсын нисэх буудал 2020 оны хоёрдугаар хагасаас жолоочгүй нийтийн тээврээр үйлчилж эхэлнэ гэж Incheon International Airport Corporation-ны эх сурвалжаас аван KBS хэвлэл мэдээлсэн байна.
Тэднийхээр бол ирэх оны эхний хагас жилд ийм тээврийн хэрэгслээ гурван сарын хугацаагаар туршиж сүүлийн хагас жилд хоёр ч машиныг тестийн журмаар ашиглалтад оруулах гэнэ. Ийм тээврийн хэрэгслээр хүссэн хүн бүр үйлчлүүлж болох ч юуны өмнө хөгжлийн бэрхшээлтэй болон настай хүмүүст үйлчлэх юм байна. Ингэснээр Инчоны олон улсын нисэх буудал жолоочгүй тээврийн хэрэгслээр үйлчилдэг дэлхийн анхны нисэх буудал болох юм. Жолоочгүй тээврийн хэрэгсэл нь зорчигчдыг онгоцноос паспортын шалгалт хүргэж тэндээс онгоц хүртэл үйлчлэх юм байна.