Найруулагч Кэри Фукунага британийн тагнуулч, агент Жеймс Бондын тухай “Үхэх цаг биш” шинэ киноныхоо зургийг авч дууслаа гэж кино төслийн Twitter хуудсанд өнгөрөгч бямба гарагт бичжээ. “Үхэх цаг биш” киноныхоо зургийг авч дууслаа. Киногоо 2020 оны дөрөвдүгээр сард кино театруудад гаргана” гэж мэдээлэлд дурдаад найруулагч Фукунаги агент 007-ийн дүрд тоглож байгаа Дэниел Крейгийн дэргэд зогсч байгаа зургийг хавсаргасан байна.

Бондын адал явдлын тухай 25 дахь энэ кино бол таван ч ангид нь дараалан тоглосон жүжигчин Дэниел Крейгийн хувьд сүүлчийн кино болох юм. Энэ сард 51 нас хүрсэн жүжигчин MI6-ийн дүрд тоглож жүжигчний авьяас амжилтаараа өмнөх Рожер Мурын амжилтыг эвдсэн гэж болно.
Жеймс Бондын 25 дахь кино энгийн нэг кинотой адилгүй ер бусын адал явдлаар дүүрэн байсан. Үйл явдал нь найруулагч Дэнни Бойл, түүний уран бүтээлийн түнш Жон Хож хоёрыг явснаар огцом өөрчлөгдсөн. Бойл, Хож хоёр оросуудыг гол дайсан болгож, хүйтэн дайны үеийг санагалзуулан дүрслэх гэсэн продюссерийн санааг дэмжээгүйгээр барахгүй найруулагч өөрөө Крейгийг киноны төгсгөлд үхүүлэх гэснийг нь зөвшөөрсөнгүй хэмээн төслийг орхин одсон юм байна. Ингээд л 1996 онд “Зүүн дээр”, 2008 онд “ядуусын хорооллын тэрбумтан” киногоороо нэрд гарсан түүний оронд 41 настай Кэри Жожи Фукунага шинэ Бондыг найруулахаар ирсэн юм.