Гэр хороолол болон хотын төвийн иргэдийн амьдралын хоёр өөр өнгө төрхийг харуулсан бүтээлүүдийг энэхүү гэрэл зургийн үзэсгэлэнд дэлгэсэн байна. Хэдийгээр хоёр өөр орон зайд байгаа боловч гэр хорооллын иргэдийн өмнө тулгамдаж байгаа асуудал хотын төвд амьдарч байгаа иргэдэд ч мөн хамаатай гэдгийг энэхүү үзэсгэлэнгээрээ харуулахыг зорьсон байна. Мөн хүн амын нягтаршил, сургууль цэцэрлэгийн хүртээмж, агаарын бохирдолд өртөлт, хотын хүртээмжтэй үйлчилгээ зэрэг сэдвүүдээр хийсэн газрын зураг, бусад бүтээлүүдийг дэлгэн үзүүлжээ. Тус үзэсгэлэнг Авлигатай тэмцэх газар, Бодлогод залуусын хяналт ТББ, Гэр, иргэдийн оролцоотой амьдрах орчны зураглалын төв” ТББ-аас хамтран энэ сарын 8 хүртэл зохион байгуулах юм.