Хамгийн хямд үнээр хамгийн өндөр үзүүлэлттэй бүтээгдэхүүн үйлдвэрлэх зорилготой ажилладаг Xiaomi компани Mi CC9 Pro загварын ухаалаг гар утсаа Хятадын зах зээлд худалдаалж эхэлжээ.
Уг бүтээгдэхүүний гол онцлог нь 108 мегапиксел камертай, 400 орчим ам.долларын үнэтэй юм.
Mi CC9 Pro нь ар талдаа таван камертай. Үндсэн камер нь 108 мегапиксел мэдрэгчтэй бол хоёр дахь камер нь 20 мегапикселийн хэт өргөн өнцгийнх, харин гурав дахь нь найман мегапикселийн 5x оптик таталттай телефото камер ажээ.
Дөрөв дэх нь гол обьектыг арын хэсгээс тодруулан ялгах (portrait) үүрэгтэй 12 мегапикселийн камер. Харин тав дахь нь хоёр мегапиксел багтаамжтай макро төрлийн камер ажээ. Мөн нүүрэнд байрлах камер нь 32 мегапиксел багтаамжтай.

Бусад үзүүлэлтүүдийн хувьд мөн нэлээд өндөр бөгөөд 6.47 инчийн AMOLED дэлгэц, 8GB шуурхай санах ой, 256GB санах байгууламж, 5,260 mAh багтаамжтай батарейг агуулжээ. 30W-ын түргэн цэнэглэх технологитой. Эдгээр үзүүлэлтүүд нь хэрэглэгчид утсаараа кино боломжтой болгож буй.
Харин ганц хойш татаж буй үзүүлэлт нь Qualcomm компанийн дундаж чадлын Snapdragon 730G процессор юм.
Хамгийн энгийн загвар нь 2,799 юань буюу 400 ам.доллар үнэтэй бол дундаж нь 3,099 юань, Premium Edition нь 3,499 юань үнэтэй худалдаанд гарчээ.
Түүнчлэн Mi CC9 Pro нь зөвхөн Хятадын зах зээлд зориулагдсан бүтээгдэхүүн гэнэ.