Төв Азиас нүүдэллэн өнөөгийн Унгар улсын нутаг дэвсгэрт суурьшсан хүннүчүүдийн түүхийг өгүүлсэн “Хүннү Аттилагийн удам угсаа-Зурагт шаштирын дагуу” сэдэвт гэрэл зургийн үзэсгэлэн Монголын Уран Зургийн Галерейд үргэлжилж байна. Үзэсгэлэнгээр Монголын түүх сонирхогч үзэгчдэд дэлгэн үзүүлж буй 1358 онд Унгарын хааны ордонд бүтээсэн 86 бүлэг бүхий Зурагт шаштирын цахим хувийг та бүхэнд толилуулж байна. Итали, Францын готик хэв маягийн уламжлалыг хослуулсан алтан дэвсгэр бүхий чимэг зурагт латин хэлээр тайлбар хийсэн уг шаштирыг удаан хугацааны туршид Веннад хадгалж байгаад 1933 онд Веннагийн Хааны ордноос Сээчиний нэрэмжит улсын номын санд шилжүүлжээ. Хар тэнгисээс нүүдэллэн Карпатын сав газарт суурьшсан хүннүчүүдийн түүхийг Европод таниулсан дундад зууны үеийн түүх соёлын сод дурсгал төдийгүй Аттилагаас Арпад хааныг хүртэлх хүннүчүүдийн ургийн түүхийг тэмдэглэсэн дэлхий дээрх цорын ганц шаштиртай танилцахыг хүсвэл Монголын Уран Зургийн Галерейд зочлохыг урьж байна. Унгар улсын Гадаад Эдийн Засаг, Гадаад Хэргийн Яамны ивээл дор Монгол улс дахь Унгарын Элчин сайдын Яам уг үзэсгэлэнг зохион байгуулж байгаа юм. Үзэсгэлэн 2019 оны арваннэгдүгээр 19-нийг хүртэл үргэлжилнэ.