Олон улсын хувцас дизайны хамтарсан үзэсгэлэн “Bluemoon” галерейд өчигдөр нээлтээ хийлээ. Жил болгон өөр өөр оронд дэлгэгддэг “Бүтээлч Ази” үзэсгэлэнг манай улсд анх удаа гаргаж буй нь энэ юм. Тус үзэсгэлэнд Монгол, БНСУ, БНХАУ, ОХУ, Узбекистан, Вьетнам, Тайвань, Пакистан улсын загвар зохион бүтээгч нарын 100 гаруй бүтээл тавьсан бөгөөд үзэсгэлэнг энэ сарын 24-28-нд өөр өөр байранд дэлгэх аж. Энэ үеэр БНСУ-ын Хувцас загварын бизнесийн холбооны ерөнхийлөгч, Ph.D, профессор Кан Хо Сул “Хамтын ажиллагаа гэдэг бол нэгэнтэйгээ хамтарч ажиллах, нэг нэгнээсээ сурах зорилготой байдаг юм. Дээр үед барууны соёл торгоны замаар дамжин Монголоос Солонгост ирсэн түүхтэй. XXI зууны шинэ торгоны замын үе эхэлж байна” хэмээн онцолжээ.

Эх сурвалж: АРДЧИЛАЛ ТАЙМС СОНИН