“Форбс” сэтгүүл дуу хөгжмийн салбарын хамгийн баян эмэгтэйг тодруулжээ. Тэдний гаргасан жагсаалтыг дуучин Рианна тэргүүлсэн байна. “Форбс” дуучны хөрөнгийг 600 сая ам.доллар гэж үнэлжээ.  Түүнд бичсэнээр, одоо Рианнагийн ашиг орлого дуунаас хамаарахаа больсон бөгөөд ихэнх орлого нь Францын LVMH Moet Hennessy Louis Vuitton холдингоос орж ирдэг байна. Дуучин LVMH-тэй хамтран гоо сайхны “Fenty Beauty” хэмээх брэндийг гаргадаг юм. Мөн сүүлийн үед “Savage X Fenty” хэмээх дотуур хувцасны брэндээ хөгжүүлээд тун завгүй байгаа аж.