Хейли Бибер өчигдөр /2022.09.28/ “Call her daddy” подкастын зочноор оролцжээ.

Өөрсдийн харилцааныхаа талаар хэвлэлд төдийлөн ярьж байгаагүй Хейли бүтэн цаг үргэлжилсэн подкастын турш Жастинтай гэрлэсэн, сүй тавьсан тухайгаа болон Селенагаас Биберийг хулгайлсан гэх цуурхалын талаар тэр тодорхой ярьсан байна. 

“Call her daddy” подкастын хөтлөгч Алекс Купер түүнээс “Жастин Бибер гэрлэлтээсээ өмнө Селена та хоёртой зэрэг уулздаг байсан уу” гэж асуухад Хейли шууд үгүй хариулжээ. Тэрбээр үргэлжлүүлэн “Бид хоёр үерхэж эхлэх үед Жастин хэнтэй ч холбоотой байгаагүй. Хэн нэгний харилцаанд хутгалдах зан надад байхгүй. Би тийм зүйл хэзээ ч хийхгүй” хэмээн хариулсан байна. Мөн тэрбээр биднийг сүй тавихад Селенагийн шүтэн бишрэгчид асар их дургүйцэж үзэн ядсан зурвас үлдээж, дайрч байсан талаар ярьжээ.

Сонирхуулахад, Жастин Бибер, Селена нар 2010-2017 оны хооронд үерхсэн бөгөөд шүтэн бишрэгчид нь тэднийг “Желена” гэж хочилдог байсан юм. Ж.Бибер Селенагаас салаад удалгүй 2018 онд Бибер эхнэр Хейлитэй сүй тавьсан билээ. 

Эх сурвалж: CNN, DAILY BEAST