Кпопын их гурвалын нэг болох "YG entertainment"-аас "Blackpink" хамтлагийн гишүүн Жэннигийн хувийн зургуудыг дэлгэсэн этгээдэд хуулийн хариуцлага хүлээлгэнэ хэмээн мэдэгдэл хийлээ.

 

Тэд “Бид 9 сараас хойш гомдлуудыг хүлээн авч мэдээллүүд дээр үндэслэн нөхцөл байдлыг хянасан. Бид ямар нэгэн байр сууриа илэрхийлж асуудалд тайлбар хийлгүй асуудлыг намдаахыг хүссэн. Гэхдээ одооноос хувь хүн рүү дайрсан, худал цуурхал тараасан, бэлгийн дарамт учруулсан, хувийн зургийг дэлгэсэн зэрэг асуудлыг уучлахгүй. YG уран бүтээлчээ хамгаалж хатуу арга хэмжээ авах болно. Цаашид ямар ч гэмт хэрэгтнийг уучлахгүй” гэжээ.

Тус мэдэгдэл гарсны дараа Жэннигийн фэнүүд YG-г хэтэрхий удаж байж шийдвэр гаргасанд ундууцаж байгаагаа илэрхийлсэн бөгөөд одоо шийдэмгий арга хэмжээ авна гэж найдаж байна гэжээ.