Дээрх төлбөрт мэс заслын тусламж, үйлчилгээний зардлын бүтээгдэхүүнд нийт эмчилгээ /мэс засал, мэдээгүйжүүлэг, сэрээх үйл ажиллагаа, эрчимт эмчилгээ/-ий хугацаанд хэрэглэх эм, эмнэлгийн хэрэгсэл, цус, цусан бүтээгдэхүүн, мэс заслын тусламж, үйлчилгээг үзүүлэхэд хэрэглэгдсэн бүх төрлийн мэс заслын хэрэгсэл, протез, ортопед /өндөр өртөг бүхий болон бусад/, мэс заслын багийн зардал, эмчийн үзлэг, бүх төрлийн оношилгоо шинжилгээ, уламжлалт анагаах ухаан, сэргээн засах, сувилахуйн тусламж, үйлчилгээ, хоолны зардал болон холбогдох бусад зардал бүгд багтана.

Тус тогтоолын хүрээнд өнгөрсөн наймдугаар сарын байдлаар нийт 188 иргэн хөхний хорт хавдрын тусламж, үйчилгээнд хамрагдаж, ЭМД-ын сангаас 596 сая төгрөгийн хөнгөлөлт эдэлжээ.

Өнөөдрийн байдлаар хөхний хорт хавдрын тусламж, үйлчилгээг ЭМД-тай гэрээтэй улсын болон хувийн хэвшлийн 25 эрүүл мэндийн байгууллагууд ЭМД-ын хөнгөлөлттэй үнээр үзүүлж байна. Эдгээр байгууллагын 14 нь улаанбаатар хотод, 11 нь орон нутгийн эмнэлгүүд байна.

Та эрүүл мэндийн даатгалтай гэрээт байгууллагуудтай   https://emd.gov.mn/pages/5   линкээр орж танилцаарай.

Та энэхүү тусламж, үйлчилгээг авахдаа ЭМД-ын тухай хууль болон бусад хууль тогтоомжид заасны дагуу 2019-2022 оны ЭМД-ын шимтгэлээ бүрэн төлсөн байх шаардлагтай. Тиймээс эрүүл мэндийн байгууллагад хандахаасаа өмнө дээрх QR кодыг уншуулан шимтгэл төлөлтөө шалгаарай.