Дархан-Уул аймаг дахь "Оюуны ирээдүй" цогцолбор сургуулийн А байрны нэгдүгээр давхарт өнөөдөр /2022.11.08/ хорт хий цацагдсанаас багш, сурагчид, сургуулийн ажилтнууд эмнэлэгт хүргэгджээ.

13.00 цагийн байдлаар нийт 31 хүүхэд, зургаан том хүнийг эмнэлэгт хэвтүүлэн эмчилгээ хийж байна. Хоёр том хүнийг Эрчимт эмчилгээний тасагт хэвтүүлэн эмчилж байна. 

Нэг нь ухаан балартсан ярьж чадахгүй байдалтай, нөгөө нь мөчид татаад байна толгой хүчтэй өвдөөд байна гэсэн байдалтай. Бүх хүн хоолой хорсох, толгой өвдөх зовиуртай байна гэж ЭМЯ-наас мэдээлэв.