ОХУ-ын Гадаад хэргийн дэд сайд Сергей Рябков ирэх зун Венесуэльд айлчилна гэснийг RT телевиз дамжуулсан байна. Дипломатч РИА Новости агентлагт өгсөн ярилцлагадаа Москва, Каракас хоёр хэд хэдэн талаар харилцаа тогтоогоод байгаа гэжээ. Венесуэльд Засгийн газраа солих гэсэн оролдлого нь хууль ёсны бус зүйл гээд үүнийг зөвхөн хэлэлцээр хийсний дараа л шийдэх ёстой гэж Оросын тал үзэж байгаа гэж С.Рябков онцолцжээ.

Барууны хэвлэлүүд өөрийгөө Венесуэлийн Ерөнхийлөгч хэмээн өргөмжилсөн Хуан Гуайдог идэвхтэй дэмжиж янз бүрийн мэдээлэл түгээж байгаа юм. Венесуэлийн сөрөг хүчнийг дэмжигч Америкийн хэвлэл Оросын агаарын тээврийн компани “Н.Мадурогийн алт”-ыг тээвэрлэн Ойрхи Дорнодод хүргэсэн гэсэн мэдээлэл өнгөрсөн нэгдүгээр сард цацаж байсан юм. Reuters агентлаг ч бас Венесуэльд Оросын цэргийн “Вагнер” бүлэг ирсэн гэж мэдээлж байсан юм.