ОХУ-ын Башкирын “Россельхозбанк”-ы салбарт ажиллаж байгаад банкнаасаа 23 сая рубль хулгайлаад гэр бүлийнхэнтэйгээ зугтсан 35 настай мөнгөний нярав Луиза Хайруллина гэдэг эмэгтэйг цагдаагийн газар эрэн сурвалжилж эхэлжээ.
“Вести-Башкортостан” хэвлэлд бичсэнээр бол энэ хэрэг тавдугаар сарын 27-нд Салават хотод гарсан гэж хууль хяналтын байгууллагын эх сурвалж хэлжээ. Урьдчилсан мэдээллээс үзэхэд эмэгтэй ажил тарахдаа мөнгө хулгайлж аваад гэртээ харьсан гэж байгаа ч хуулийнхныг очиход гэрт нь хэн ч байгаагүй, нөхөр, бага насны хоёр хүүхэдтэйгээ хамт ор сураггүй алга болсон байжээ.