Эдийн засаг, хөгжлийн яамны дэргэдэх ҮХХ, МУИС -ийн Бизнесийн сургууль, Улс төрийн боловсролын академи, Эдийн засгийн бодлого, өрсөлдөх чадварын судалгааны төвүүдтэй хамтран ажиллах санамж бичиг байгууллаа.

         ҮХХ, дээрх байгууллагуудтай  хамтран ажиллах санамж бичгийг 2025 оны 02 дугаар сарын 13-ны өдөр байгуулж, ҮХХ-гийн захирал Г.Дэнзэн, МУИС-ийн Бизнесийн сургуулийн захирал Н.Батнасан, Улс төрийн боловсролын академийн Удирдах  зөвлөлийн дарга Д. Ганбат, Эдийн засгийн бодлого, өрсөлдөх чадварын судалгааны төвийн Ерөнхий захирал Б. Лакшми нар гарын үсэг зурж баталгаажууллаа.

         Тус санамж бичгийн хүрээнд талууд хоорондын түншлэлийг хөгжүүлэх, судалгаа шинжилгээний ажил, төсөл, хөтөлбөр хэрэгжүүлэх боловсрол, шинжлэх ухааны салбарт хамтын ажиллагаа өргөжүүлэх, харилцан туршлага, мэдээлэл солилцох хууль тогтоомжийг боловсронгуй болгох чиглэлээр хамтын ажиллагаагаа өргөжүүлэх юм.

       ҮХХ-ийн захирал Г.Дэнзэн бие даан судалгаа, шинжилгээ хийдэг байгууллагуудтай хамтран ажиллах эхлэл тавьсанд хүрээлэнгийн зүгээс талархалтай байгаагаа илэрхийлэв.