Удахгүй тохиох олон улсын Ахмадын өдрийг угтан Сүхбаатар дүүргийн Засаг даргын Тамгын газар, Ахмадын хороо хамтран “Ардын урлаг, өв соёлоо түгээн дэлгэрүүлэх” өдөрлөгийг амжилттай зохион байгууллаа. Өдөрлөгт Сүхбаатар дүүргийн Менежер Э.Чинзориг, Нийгмийн хөгжлийн хэлтсийн дарга Д.Тунгаа, Ахмадын хороон дарга Б.Мөнхцэцэг болон хэлтэс, нэгжийн мэргэжилтнүүд, хороодын ЗДАА, ахмадын зөвлөлийнхөн оролцлоо. Ахмадаа алдаршуулъя уриан дор зохион байгуулсан тус өдөрлөгт дүүргийн соёлын биет болон биет бус өв тээгч, өвлөн уламжлагч, ардын авьяастан, соёлын бүтээлч үйлдвэрлэл эрхлэгч ахмадууд болон тэдний үр хүүхэд, өвлөн тээгчид үзэсгэлэнгээ дэлгэж, уран бүтээлийн дээжсээ толилуулав.

Занабазарын нэрэмжит Дүрслэх урлагийн музейд 2019 оны 11 дүгээр сарын 21-нд “Монгол дарханы урлахуйн ухаан дээжис” нэртэй үзэсгэлэн нээгдсэн ч цар тахлын улмаас хаагдсан билээ. Тэгвэл одоо олон нийтэд хүрч эхэллээ. Тус музейн сан хөмрөгт хадгалагдаж байгаа үзмэрүүдийг үзэгчдийн хүртээл болгох зорилгоор сэдэвчилсэн үзэсгэлэн гаргадаг. Энэ удаагийн үзэсгэлэнгээс монгол уран дархчуудын хийсэн бүтээлүүдээс дээжлэн үзэгч олондоо хүргэжээ. “Монгол дархын урлахуйн ухааны дээжис” үзэсгэлэнд өөрсдийн ур ухаанаа шингээж, өвөрмөц арга барил, дэг сургуулиар бүтээсэн нутаг нутгийн алдарт дархчуудаас эхлээд нэр нь үл мэдэгдэх урчуудын дахин давтагдашгүй хийц бүхий 360 гаруй үзмэр тавигдсанаас ихэнх нь анх удаа үзэгчдийн хүртээл болж байна.